yawropada 5 hepte ichide 5 awéatsiye shirkiti weyran boldi

türkiye awazi radiyosi xewiri: gérmaniyening «Azur» hawa yolliri shirkiti we «Small Planet» hawa yolliri shirkiti, bélgiyening «VLM» hawa yolliri shirkiti, andin shiwéyétsariyening «Skywork» hawa yolliri shirkiti, emdilikte bolsa, daniye bilen létoniye merkezlik «Primera» hawa yolliri shirkiti weyran boldi.

2003 – yili qurulghan «Primera» hawa yolliri shirkitining 9 ayropilani bolup, yéqindin buyan shimaliy amérikigha qatnimaqta idi. 

gérmaniyening «Azur» hawa yolliri shirkiti sintebir éyining axirida weyran bolghanliqini resmiy élan qildi. «Azur» hawa yolliri shirkiti boéng 737 tipliq ayropilani bilen mulazimet qilmaqta idi.

«Azur» hawa yolliri shirkitidin qisghine waqit ilgiri gérmaniyening «Small Planet» hawa yolliri shirkitimu weyran bolghanliqini élan qilghan bolup, shirket «Airbus A320» tipliq 4 ayropilani we «Airbus A321» tipliq 2 ayropilani bilen mulazimet qilmaqta idi.

bélgiyening «VLM» hawa yolliri shirkiti birla ayropilan bilen mulazimet qilmaqta idi.

awghust éyining axirghiche toluq mulazimetni dawamlashturghan bélgiyening «VLM» hawa yolliri shirkiti, bashqa barliq ayropilanliridin waz kéchip, peqet «Fokker 50» tipliq birla ayropilanini saqlap qalghan idi. shirket weyran bolghanliqini élan qilghandin kéyin, u ayropilanini qayta uchurup baqmidi.

shiwéyétsariyening «Skywork» hawa yolliri shirkitimu awghust éyining axirida mulazimetni toxtitip, jemiy 11 ming yoluchisigha uwal qilghan boldi.