yéngi kabénttiki yashliq we tenterbiye ministiri- mehmet muharrem kasapoghlu

türkiye awazi radiyosi xewiri: tenterbiye latariyesi idarisining bashliqi mehmet muharrem kasapoghlu yéngi kabéntta yashliq we tenterbiye ministirliqi wezipisige osman ashkin bakning ornigha wezipige teyinlendi.

 mehmet muharrem kasapoghluning qisqiche terjimihali

mehmet muharrem kasapoghlu 1976-yili istanbulda tughulghan. marmara uniwérstéti iqtisadiy we memuriy bilimler fakultéti igilik bashqurush kespide oqughan. u shu uniwérstétning mehelliwi idariler we turushluq jayidin bashqurush pirogrammisi boyiche magéstirliq unwanini alghan. amérika florida ishtat uniwérstéti igilik bashqurush fakultétida bashqurush kespide tetqiqatchi, mutexessis we layihe kordinatori bolup xizmet qilghan. palm bich atlantik uniwérstétida igilik bashqurush kespide magéstirliq oqughan. istanbul uniwérstétidin yerlik ishqa orunlashturush témisidiki tetqiqat maqalisi bilen doktorluq unwanini alghan.

u türkiye we chet ellerde oquwatqan yillirida ijtimaiy teshkilatlarda aktip xizmet qilghan we muhim menseplerni tutqan. u xususiy shirketlerde xelqaraliq soda bilenmu shughullanghan.

2009-yili bash ministirliq mehkimisining meslihetchilikige wezipige qoyulghan. buningdin bashqa, emgek we ijtimaiy kapalet ministirliqi, maarip ministirliqi, yashliq we tenterbiye ministirliqida oxshimighan wezipilerni üstige alghan.

u tenterbiye latariyesi idarisining bashliqi bolup wezipe ötigen yillirida, tenterbiyeni keng ammigha omumlashturush meqsitide nurghun tesislerning sélinishigha küch chiqarghan. yashliq, maarip we tenterbiye paaliyetlirini iqtisad bilen teminlesh we tenterbiye saheside ishqa orunlishish nisbitini yuqiri kötürüsh qatarliq mesililerge diqqitini merkezleshtürgen.

u öylengen bolup, bir perzenti bar, inglizche we erebche tillirini yaxshi bilidu.