türkiye chélishish chimpéyonluqida sekkiz médalni qolgha keltürdi
türkiye mahirliri polshada ötküzülgen we alte kün dawamlashqan dunya 23 yashtin töwenler chélishish chimpéyonluqida jemiy sekkiz médalni qolgha keltürüp, zeper quchti.
türkiye awazi radiyosi xewiri: türkiyelik ikki mahir musabiqining axirqi künide erler erkin chélishish türi boyiche musabiqige chüshti. muhemmet aqdéngiz 70 kilogiramliqlar boyiche qazaqistan mahiri zulfiqar mexmetofni 2 ge qarshi 4 netije bilen yingip mis médalgha érishti. girékche chélishish türi boyiche fatih jengiz 75 kilogiramliqlarda, burhan akbudak 80 kilogiramliqlarda altun médalgha érishti. murat tagh bilen fatih bashköy 98 kilogiramliqlarda mis médalgha érishti.
ayallar 48 kilogiramliqlar boyiche ötküzülgen musabiqide ewin demirxan bir altun médalni qolgha keltürdi, sulayman atli erler 57 kilogiramliqlarning erkin chélishish türide, sedat özdemir 61 kilogiramliqlarning erkin chélishish türide mis médalgha érishti.
türkiye chélishish fédératsiyesining bashliqi musa aydin musabiqe ehwali heqqide toxtilip: «bu komandidiki nurghun tenheriketchilirimiz olimpik musabiqilerde altun médalgha érisheleydighanliqini körsetti. fédératsiye xizmetlirini üzüksiz dawamlashturuwatidu, 2017-yilni rékortlar bilen axirlashturduq, chonglarning yawropa chimpéyonluqda aridin 68 yil ötkendin kéyin؛ dunya chimpéyonluqida aridin 55 yil ötkendin kéyin médalgha érishish jehette rékort yarattuq, 2018-yilidimu zor muweppeqiyetlerni qolgha keltürüsh üchün barliq küchimiz bilen tirishimiz. dunya 23-yashtin töwen chélishish chimpéyonluida dölitimizge wakaliten musabiqige qatnashqan barliq tenheriketchilirimizni tebrikleymen we üzlüksiz halda chong ghelibilerni qolgha keltürüshini tileymen» dédi.
