türkiye komandisi gollandiye komandisini yengdi

türkiye awazi radiyosi xewiri: türkiye komandisi, yawropa walibol konfédratsiyesining 2017 – yilliq yawropa erler walibol chémpiyonluqni talishish musabiqisining <d> guruppisidiki tunji musabiqiside, gollandiye komandisini 1 ge qarshi 3 netije bilen meghlup qildi.

ay – yultuzluq türk komandisi ete (27 – awghust yekshenbe) türkiye waqti saet 18:30 da mezkur guruppidiki ikkinchi musabiqiside bélgiye komandisigha qarshi meydangha chüshidu.

bu yil 30 – qétimliqi ötküzülüwatqan,  4 guruppa boyiche 16 komanda riqabetlishidighan mezkur musabiqige polshaning warshawa, gdansiki, krakow qatarliq bezi sheherliri sahibxanliq qilidu.

guruppida üstünlükni igiligen komandilar biwasite hel qilghuch musabiqige chüshidu؛ ikkinchi we üchinchi bolghan komandilar bolsa, késishtürme halette guruppilargha ayrilip, shallash musabiqisige chüshidu. bu ötkeldin ghelibilik ötkenler, charek hel qilghuch musabiqide, her qaysi guruppilardiki üstünlükni igiligen komandilar bilen meydangha chüshidu.