ehmet arslan dunya Red Bull 400 musabiqiside chimpéyon boldi
dunya Red Bull 400 chimpéyonluqni talishish musabiqiside türk tenheriketchi ehmet arslan birinchi boldi.
türkiye awazi radiyosi xewiri: birdinbir yuqirigha qarap 400 métir ariliqqa yügresh musabiqisi bolghan dunya Red Bull 400 chimpéyonluqni talishish musabiqisi, gérmaniyening titisé – néustadt shehiride 40 dölettin kelgen mingdin artuq tenheriketchining ishtirak qilishi arqisida ötküzüldi.
erler türide türkiyege wakaliten musabiqige qatnashqan ehmet arslan, 03:31.01 lik derijisi bilen, gérmaniyelik anton palzézni 1 sékunt perq bilen atlap ötüp, birinchilikni qolgha keltürdi. ayallar türide bolsa, eje bakiji, 05:42.07 lik derijige ériship altinchi boldi. bu türning birinchilikini yaponiyelik yukari tanaka aldi.
hayatidiki 15 – qétimliq Red Bull 400 musabiqisining on tötide ghelibe qazanghan we tarixning tunji dunya chimpéyoni bolghan ehmet arslan, «bu 15 – musabiqide yügresh we ghelibe qilish nahayiti muhim idi. chünki, bu musabiqide ghelibe qilish dégenlik, dunya chimpéyonluqi unwanigha ige bolush dégenlik bolatti, nahayiti xushalmen» dédi.