erdoghan: siyasetmu putbolgha oxshash musabiqe
dölitimiz jumhur reisi rejep tayyip erdoghan xelqaraliq putbol yighinida, siyasetningmu tenterbiyege oxshash riqabet we musabiqe ikenlikini éytti.
türkiye awazi radiyosi xewiri: jumhur reis rejep tayyip erdoghan istanbuldiki halich kongre merkizide ötküzülgen xelqaraliq putbol yighinigha qatnashti we muhim söz qildi. u siyasettiki birinchi basquchning riqabetning saylam sanduqidin ghelibe bilen chiqish, ikkinchi basquchning mesuliyetni üstige alghandin kéyin, xelqqe xizmet qilish ikenlikini eskertti.
u siyasetningmu putbolgha oxshash komanda musabiqisi ikenlikini bildürüp, mundaq dédi:
«siyaset komandining intayin saghlam bolushini telep qilidu. pilansiz ish qilghan, taktkisi we istratégiyesi bolmighan komandining longqigha érishish éhtimali yoq bolghinidek, xelqige béridighan wedisi bolmighan siyasetchiler we siyasiy partiyelerningmu muweppeqiyetke érishish pursiti bolmaydu.»
tenterbiyege zorawanliq we urushxumarliq arilashsa, mertlik rohining yoqilidighanliqigha oxshash, siyasetkimu yalghanchiliq, töhmet qilish we burmilash arilashqanda oxshash netijening otturigha chiqidighanliqini eskertken jumhur reis rejep tayyip erdoghan, putbolda riqabet bilen birlikte, pidakarliq, mertlik, dostluq we yardemlishishning barliqini qeyt qildi.
u: «putbol-tirkishish, jeng élan qilishtur» dédi.
u türkiyediki nurghun sheherlerde ülge qilip körsitishke bolidighan tenterbiye meydanlirining yasalghanliqini bildürüp, paytext enqerediki 19-may tenterbiye meydanining ornigha 40-35 ming tamashibin sighidighan tenterbiye meydani yasashni pilanlighanliqlirini we meydan layihesining tamamlanghanliqini eskertti.
