chorum iskilip toqmaqliq harwisi

hörmetlik radiyo anglighuchilar! ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, «chorum iskilip toqmaqliq harwisi» ni tonushturimiz.

chorum iskilip toqmaqliq harwisining türkiyening rayonlargha xas mehsulatliri tizimlikige kirgüzülgen waqti: 03.08.2023

****** ********* ******

türkiyening ottura anadolu rayoni we hitit impériyesining tarixi paytexti hattusha chégrasigha jaylashqan chorum shehirining iskilip nahiyesi, tolimu qiziqarliq we yerlik oyunchuq ishlepchiqirishqa sahibxanliq qilmaqta. chorum iskilip toqmaqliq harwisi iskilip nahiyelik hökümetning iltimasi bilen 2023 – yili türkiyening rayonlargha xas tizimgha élinghan mehsulatliri qatarigha kirgüzülgen bolup, toqmaqliq harwa oyunchiqi nahayiti addiy méxanizmgha ige.

toqmaqliq harwining ishlepchiqirilishi yüz yilgha yéqin tarixqa ige bolup, bu oyunchuqni aldi bilen hesen chawush isimlik bir ​​kishining yasap chiqqanliqi, oyunchuqning kélip chiqishida tash üstide bughday soqup bulghur ishlepchiqiridighan ayallarning toqmaqlirining nöwet boyiche urushliridin ilham élinghanliqi riwayet qilinidu. toqmaqliq harwa deslepte qolda yasilatti, bügünki künde éléktronluq üskiniler bilen  ishlepchiqirilmaqta.  uni yasashta qarighay we térek yaghichi ishlitimekte. bu oyunchuqning töt chaqi we töt tüqmiqi bolup, chaqlirining heriket qilishi bilen bilen toqmaqlar ayaq qismigha urulup awaz chiqiridu.

oyunchuqqa ishlitilgen renglermu özegiche körünidu. qizil, sériq, kök, qara we yéshil rengler köprek ishlitilidu. rext boyiqi qarighay shirnisi we issiq su bilen arilashturulup teyyarlinidu. shirnining tesiri bilen téximu mustehkemlengen boyaq, toqmaqliq hawini zinnetlesh üchün ishlitilidu. boyash tamamlanghandin kéyin , toqmaqliq harwining renglirining  téximu parqiraq bolishi üchün térek derixi qowziqining ichki yüzi bilen siliqlinip parlaqliq payda qilinidu.