siwas koftisi (qiyma kawipi)

hörmetlik radiyo anglighuchilar! ilker tashqin teripidin teyyarlanghan «türkiyening rayonlargha xas tizimgha élinghan mehsulatliri» namliq sehipimizning bu heptilik sanida, «siwas koftisi (qiyma kawipi)» ni tonushturimiz.

siwas koftisi (qiyma kawipi) ning türkiyening rayonlargha xas mehsulatliri tizimlikige kirgüzülgen waqti: 01.02.2006

****** ********* ******

türkiyening ottura anadolu rayonigha jaylashqan tarixi siwas shehiri rayonning tebiiy muhitida yétishtürilidighan qoy we kala göshidin peqet özgiche bir tuz qétish arqiliqla yasalidighan nahayiti dangliq tamaqqa sheher ismini bergen idi.

siwas koftisi (qiyma kawipi) 2006-yili siwas soda-sanaetchiler birleshmisining iltimasi bilen türkiyening jughrapiyilik xasliqqa ige tizimgha élinghan mehsulatliri qatarigha kirgüzülgen idi. siwas koftisi (qiyma kawipi) ning bashqa kawap türliridin perqlinidighan eng muhim alahidiliki, kawapta ishlitilidighan göshning tebiiy muhitta we rayonining özige xas égizlikide otlaqlirida, kerepshe, yumghaqsüt, siyadan we her xil ösümlülkler bilen yétishidighan kala we qoy göshi bolghanliqidur. siwas zémini we otlaqlirida ösümlüklerning köp xil bolushi göshning temini belgileydighan nuqtiliq amil hésablinidu.

siwas koftisi (qiyma kawipi) teyyarlighanda, tuzdin bashqa, shoxla qiyami, köktat, qaramuch we shuninggha oxshash héchqandaq maddilar ishlitilmeydu. siwas koftisi (qiyma kawipi)  yasashta ishlitilidighan tuzmu siwasning zara rayonining tuzlagozu yézisida ishlepchiqirilghan tebiiy bulaq tuzi bolup, héchqandaq ximiyelik madda arilashturulmighan tebiiy tuzdur. bu tuz öz nöwitide yene, qiyma kawapning saqlash mezgilide renggining özgirip kétishining aldini alghangha oxshash téximu uzun buzulmay turushighimu kapaletlik qilidu.

 siwas koftisi (qiyma kawipi) ni yasashta belgilik izchilliqni qolgha keltürüsh üchün maharet kétidighan bolghachqa bashqa qiyma kawaplarghimu oxshimaydu. chünki siwas gösh kawipining terkibide bashqa héchqandaq arilashma bolmighanliqi hemde népiz teyyarlanghanliqi üchün nahayiti qisqa waqit ichide tawida yaki kawapdanda pishurulidu, siwas koftisi (qiyma kawipi) ni sunushta toghralghan yéngi yaki qurutulghan piyaz, yumghaqsüt bilen arilashturulghan pemidur we qizilmuch qatarliq xam köktat birlikte sunilidu.