allah (sözliringlarni) anglap turghuchidur, (ehwalinglarni) bilip turghuchidur
(kapirlar quran séhridur depla qalmastin) «belki u (muhemmedning ) qalaymiqan chüshliridur, belki uni özi oydurup chiqarghandur, belki u shairdur, ilgiriki peyghemberlerge oxshash bizge birer möjize keltürsun» déyishti.
türkiye awazi radiyosi: enbiya sürisi, 1 - 11 - ayetler. nahayiti shepqetlik we méhriban allahning ismi bilen bashlaymen.
kishilerge ularning (emelliridin) hésab élinidighan waqit (yeni qiyamet) yéqinlashti, halbuki, ular gheplettidur, (qiyamet toghruluq oylinishtin) yüz örümektidur[1]. ulargha perwerdigari teripidin (quranda) yéngi wez ـ nesihet nazil bolsila, ular uninggha mesxire qilghan halda qulaq sélishidu[2]. ularning dilliri (allahning kalamidin) gheplettidur, kapirlar öz ara: «bu (yeni muhemmed eleyhissalam) peqet silerge oxshash (addiy) bir insan, siler séhirni körüp turup uni qobul qilamsiler?» dep yoshurun sözlishidu[3]. (peyghember) éytti: «perwerdigarim asman, zéminda éytilghan sözlerni bilip turidu, allah (sözliringlarni) anglap turghuchidur, (ehwalinglarni) bilip turghuchidur»[4]. (kapirlar quran séhridur depla qalmastin) «belki u (muhemmedning ) qalaymiqan chüshliridur, belki uni özi oydurup chiqarghandur, belki u shairdur, ilgiriki peyghemberlerge oxshash bizge birer möjize keltürsun» déyishti[5]. ulardin ilgiri, biz halak qilghan sheherlerdin (yeni ahalisidin) héchqaysisi iman éytmighan tursa, (möjizilerni körsetseng) ular iman éytamdu?[6] (i muhemmed!) sendin ilgiri ـ (perishtilerni emes) peqet insanlarnila peyghember qilip ewettuq, eger (buni) bilmisenglar, ehli ilimdin (yeni tewrat, injillarni bilidighanlardin) soranglar[7]. peyghemberlerni tamaq yémeydighan jeset qilghinimiz yoq (yeni ular barliq kishilerge oxshash yeydu, ichidu) hemde ular (dunyada ölmey) menggü qalidighan bolghini yoq (yeni ularmu barliq kishilerge oxshash wapat bolidu)[8]. andin ulargha (ulargha yardem bérish, ularni inkar qilghanlarni halak qilishtin ibaret wedimizni rast qilip berduq, ularni we biz xalighanlarni qutquzduq, (kufrida we gumrahliqta) heddidin ashquchilarni halak qilduq[9], silerning shan ـ sheripinglarni öz ichige alghan kitabni (yeni quranni) silerge heqiqeten nazil qilip berduq. (buni) chüshenmemsiler?[10] biz (ahalisi) kuffar bolghan nurghun sheherlerni halak qilduq. ulardin kéyin (ornigha) bashqa qewmni peyda qilduq[11].
