likya yoli

dunyadiki eng güzel piyadiler yolliridin birining türkiyede ikenlikini bilemsiz?

fethiyedin bashlinip antalyaghiche sozulidighan uzun piyadiler yoli, qedimki dewrde bu rayonda yashighan likya medeniyiti sewebidin «likya yoli» dep atalghan.

fethiyedin bashlinip antalyaghiche sozulidighan bu piyadiler yoli heqqidiki tetqiqat paaliyetliri, 1992-yili bashlanghan. engiliyedin kélip türkiyede olturaqlashqan keyt klow, 1999-yili tunji bolup likya piyadiler yolida mangghan kishi bolup qalghan. u, kéyinche, bu yolni teswirlep kitab yézip, likya piyadiler yolini dunyagha tonushturghan.

her xil menbelerde «dunya boyiche eng uzun  10 chong  piyadiler yolliridin biri» süpitide teswirlengen likya piyadiler yoli, dunya boyiche eng güzel menzirilik 50 piyadiler yolliridin biri hésablinidu. musabiqe yoligha jaylashqan gélidonya mayak menzirisi, 2007-yili türkiyening eng güzel menzirisi bolup tallanghan. buningdin bashqa yene, dunyadiki bir paraxot pütünley chiqirilalaydighan tunji su asti qézip tekshürüsh tetqiqat ornimu, bu rayondin körgili bolidighan amérika qoltuqida tesis qilinghan.

texminen 550 kilométir uzunluqtiki likya piyadiler yoli, türkiyening eng muhim sayahet rayonigha jaylashqan bolghachqa, mol qonalghu we qatnash imkaniyetlirige ige. kilimat jehettin aqdéngiz  muhitigha tewe bu rayonda, qish ayliri adettin tashqiri derijide illiq ötidighan bolghachqa, piyade méngish waqtimu bir qeder uzun bolidu.