islim kawipi

türkiye awazi radiyosi: türk taamliri dégen haman ademning köz aldigha aldi bilen «kawap» kélidu. kawap türk taamlirining töridin orun alidu. shuni tekitlesh hajetki, türk taamliri peqet kawaptinla teshtil tapmaydu.  chünki köktatlar we purchaq türidikilermu türk taamliri arisida muhim orunni igileydu.

 bügünki pirogrammimizda,  «türkiyening yémeklikshunasliq paytexti» dep bilinidighan gaziantep shehirige ait bir taam bolghan, pédigen we gösh bilen étilidighan  «islim kawipi» étish usuli heqqide melumat bérimiz.

«islim kawipi» étish üchün kéreklik bolghan matériyallar töwendikiche:

• 4  - dane pédigen
• bir istakan su yéghi
• 4 dane kichik yopurmaqliq pemidur
• ikki dane kökmuch
• 500 giram qiyma
• bir dane rendilengen piyaz
• 4 qoshuq aq un
• ikki chish ézilgen samsaq
• bir dane tuxum
• yérim qoshuq tuz
• yérim qoshuq qizilmuch
• yérim qoshuq zire
• yérim qoshuq qarimuch

qiyami üchün

• ikki qoshuq yagh
• ikki dane rendilengen pemidur
• bir chish ézilgen samsaq
• yérim istakan qaynaq su
• yérim qoshuq tuz
• yérim qoshuq qarimuch

«islim kawipi» étish usuli töwendikiche:

• aldi bilen posti soyuwétilgen pédigenlerni ittik bir pichaq bilen uzun – uzun qilip 4 parche halitide tiling. andin achchiqining chiqishi üchün yérim saettek tuzluq suda qoyung.
• bu ariliqta, qiymini arilashturush qachisigha qoyung.
• rendilengen piyaz, tuxum, aq un, bir dane ézilgen samsaq, yérim qoshuq tuz, yérim qoshuq qizilmuch, yérim qoshuq zire, yérim qoshuq qarimuch qatarliqlarni ilawe qiling, andin barliq matériyallar bir - birige obdan arilashqangha qeder texminen 10 – 15 minut etrapida yoghurung.
• yoghurulghan qiymidin alqiningizda yumilaqlap, 8 dane top qilip tügüng.
• bu toplarni ikki qoshuq yagh  tökülgen qazanda aldi – keynini örüp, pishurung.
• tuzluq suda demlengen pédigenlerning süyini süzüp, mol miqdardiki suda yuyung.
• üstini qeghez löngge bilen, yaki rext löngge bilen sürtüp qurutung.
• qazangha 2 – 3 istakan yagh töküp, qiziting.
• pédigenlerni bu yaghda taki renggi özgergenge qeder qorung. andin artuq yéghini yene qeghez löngge bilen éling.
• qizilmuchlarni tötke, pemidurlarni ikkige bölüng.
• ikki dane qizarghan pédigenni üsti – üstilep texsige qoyung. andin ottura qismigha bir dane qizarghan qiyma topini qoyup, üstini yéping. üstige bir parche kökmuch bilen pemidurni yerleshtürüng. qalghan qiyma toplirinimu shundaq qiling.
• ikki qoshuq yaghni kichik bir qiyam qazinida issiting.
• rendilengen pemidur, bir dane ézilgen samsaq, yérim qoshuq tuz, yérim qoshuq qarimuch ilawe qiling. andin hemmisi bilen birlikte 4 – 5  minut etrapida pishurung, arqdin ochaqtin éling.
• teyyarlanghan bu qiyamni doxupkining petnusidiki pédigenlerning üstige töküng.
• taamingizni aldin issitilghan 180 giradusluq doxupkida 30 minut etrapida pishurghandin kéyin istémal qilsingiz bolidu.