charwichi qorumisi

türkiye awazi radiyosi: riwayet qilinishiche, türk taamliri arisida teyyarlinishi qolay, lezzetlik bir taam bolghan «charwichi qorumisi», charwichilarning yézilardin yiraqtiki waqitlirida bimalal halda ételeydighanliqi üchün, shundaq dep atalghanmish.

bügünki pirogrammimizda, bolupmu pemidur we much köp ishlitilish arqiliq lezzetlendürülüp étilidighan, «charwichi qorumisi» étish usuli heqqide melumat bérimiz.

«charwichi qorumisi» étish üchün kéreklik bolghan matériyallar töwendikiche:

• bir qoshuq sériq may
• bir qoshuq aptapperes yéghi
• 750 giram paqlan göshi
• 15 – 20 dane yéshil piyaz
• 4 – 5 dane samsaq
• 4 – 5 dane italiye muchi
• tuz
• qarimuch
• qizilmuch
• 3 dane pemidur
• bir istakan gösh süyi
• quruq chöl reyhini
• bir dane piyazning süyi
• 30 millilétir alma achchiqsüyi

«charwichi qorumisi» étish usuli töwendikiche:

göshlerni bir qachigha qoyup, üstige piyazning süyi, alma achchiqsüyi, tuz, qarimuch qatarliqlarni ilawe qiling, andin tonglatqugha sélip, 20 minut kütüng.

bu ariliqta, aptapperes yéghi bilen sériq mayni issiting.

göshlerni yaghqa chilighandin kéyin, süzüp, yaghda 15 minut otturihal otta qorung.

yéshil piyaz bilen samsaqni ilawe qilip, besh minut qorung.

chong – chong toghralghan muchlarni ilawe qilip, besh minut qorung.

pemidurlarni shéker sheklide toghrap, yene besh minut qorung.

gösh süyi bilen quruq chöl reyhinidin bashqa dora – dermanlarnimu ilawe qilip, otni biraz peseyting.

qazanning tuwiqini yéping we taki göshler yumshighangha qeder 40 minuttek pishurung.

ochaqtin élishtin burun, üstige quruq chöl reyhini sépip, istémal qilsingiz bolidu.