chet eldiki türkler we qérindash türkiy xelqler bashqarmisi

dunya miqiyasidiki nurghun dölet we rayonda köpligen ijtimaiy we medeniyet layihelirini wujudqa chiqirip kéliwatqan yunus emre inistituti, chet eldiki türkler we qérindash türkiy xelqler bashqarmisi, qizilay saxawet orgini we türk hemkarliq we kordinatsiye agéntliqi bashqarmisi -tika qatarliq organlirimizni tonushturup kéliwatqan «türkiyening qelb köwrükliri»namliq pirogrammimizning deslepki töt bölümide, tika yeni türk hemkarliq we kordinatsiye agéntliqi toghruluq toxtilip, bu organning dunyaning her qaysi jaylirida élip bériwatqan ish-paaliyetliri üstide tepsiliy melumat bergeniduq. bu heptidin bashlap, yene köngül jughrapiyemizde nahayiti muhim layihelerni wujudqa chiqirip kéliwatqan yene bir qelb köwrikimiz bolghan chet eldiki türkler we qérindash türkiy xelqler bashqarmisi üstide toxtilimiz.

2010-yili 6-aprélda qurulghan chet eldiki türkler we qérindash türkiy xelqler bashqarmisi chet eldiki türkiye puqraliri, qérindash türkiy xelqler we türkiyede telim-terbiye éliwatqan chet ellik oqughuchilargha munasiwetlik xizmetlerni teshkillesh, bu sahelerdiki xizmetler we ish-paaliyetlerni téximu keng qanat yaydurush wezipisini üstige alghan.

chet eldiki türkler we qérindash türkiy xelqler bashqarmisi her qaysi muhim xizmet we paaliyetliri élip bérip, türkiyening chet elde yashawatqan puqraliri we qérindash türkiy xelqler bilen bolghan munasiwitini kücheytishte muhim rol oynimaqta. türkiyediki oqush mukapatigha érishken chet ellik oqughuchilar bolsa dunyaning her qaysi jayliridiki xalisane elchilirimiz hésablinidu.