zhurnalist jemal qashiqchi weqesi we xelqaradiki tesiri

bu yil 2-öktebirde nikah resmiyetliri üchün seudi erebistanning istanbul konsulxanisigha kelgen washingiton pochta yazghuchisi zhurnalist jemal qashichqi( xashoqchi)ning qaytip chiqmasliqigha qarita, qashiqchining bolghusi ayali xediche jengiz türkiye dairilirigha ehwalni melum qildi. türkiye dairiliri zhurnalsit jemal qashiqchining yoqap kétishige qarita derhal tekshürüsh xizmiti bashlidi.

dunya taratquliri yéqindin közitip kéliwatqan qashiqchi weqesi toghruluq, türkiye dairiliri pat-pat yéngi uchur we delil-ispatlarni élan qilip turdi, bu ehwal qarita seudi erebistan dairilirimu jemal qashiqchi weqesi toghruluq bayanatlirini özgertishke mejbur boldi. deslepki waqitlarda seudi erebistan dairiliri jemal qashiqchining konsulxanidiki ishini tügitip qaytip chiqqanliqini bildürüp bayanat berdi, lékin qashiqchining konsulxanidin chiqip ketkenlikige dair kaméra körünüshlirini keng jamaetchilik bilen ortaqlishalmidi. sitanbulgha seudi erebistandin kelgen 15 kishilik alahide heriket etritini sayahetchi dep tonushturghan seudi erebistan hökümiti, uzun ötmeyla qashiqchining ölüp ketkenlikini ten élip, 15 kishi bilen seudi konsulxanisida wezipe öteydighan 3 xadimni qashiqchi weqesi tüpeyli nazaret astigha aldi. jumhur reis rejep tayyip erdoghan seudi erebistan padishahi selman bilen körüshkendin kéyin, seudi hökümiti jemal qashiqchning konsulxanida yüz bergen jédel sewebidin ölüp ketkenlikini ilgiri sürgen bolsimu, lékin türkiye dairilirining qashiqchining ölümi toghruluq keng jamaetchilikke yetküzgen yéngi uchur we deliller türtksiide, qashiqchi jinayitining pilanliq halda élip bérilghan suyiqest ikenliki asasen aydinglashti.

zhurnalist qashiqchining suyiqestke uchrishini xelqaraliq qanun, insan heqliri, midiya qatarliq jehetlerdin qandaq chüshinish kérek? zhurnalsit qashiqchi weqesi néme üchün xelqaraliship kétidu?  her qaysi döletler bu weqege néme üchün perqliq inkas qayturidu?