doktor erkin ekremning putin-shi jinping uchrishishi toghrisidiki analizi

rusiyening wiladiwostok shehiride ötküzülgen sherq iqtisadiy munbiri dairiside rusiye pirézidénti wiladimir putin bilen xitay dölet reisi shi jinping körüshti.

körüshüshtin kéyin muxbirlarning soallirigha jawab bergen wiladimir putin, rusiye bilen xitay arisidiki soda sommisining bultur %30 éship 50 milyard dollargha yetkenlikini eskertip: bu yilning axirghiche soda sommimizning 100 milyard dollargha yétidighanliqigha ishinimen, dédi.  

ikki dölet arisidiki sodida milliy pullarning ishlitilishi mesilisi üstide toxtalghan putin mundaq dédi: «rusiye bilen xitay dairiliri ikki dölet arisidiki sodida milliy pullarning ishlitilishini qollaydu. sodida milliy pullar ishlitilse bankichiliq sistémilirimu saghlam bolidu. »

koréye yérim arilining nöwettiki weziyiti üstidimu toxtalghan putin, rusiye-xitay yol xeritisige muwapiq halda koréye yérim arilining weziyitini siyasiy we diplomatik yollardin hel qilish üchün xitay bilen hemkarliq ichide heriket qilidighanliqlirini tekitlep ötti.

bunngidin sirt rusiye mudapie ministiri sérgéy shoygu xitay bilen rusiyening qerellik halda ortaq herbiy manéwir ötküzüsh üchün kélishkenliklirini bildürdi.

xitay mudapie ministiri féngxé ikki dölet arisidiki herbiy hemkarliqning istiratégiyelik ehmiyetke ige ikenlikini tekitlep ötti.

rusiye fédratsiyesi tarixida eng köp herbiy xadim qatnashqan « wostok-2018 » namliq bu qétimqi herbiy manéwirgha, 300minggha yéqin esker, mingdin artuq ayropilan, tikuchar, uchquchisiz ayropilan, 35minggha yéqin tanka, herbiy aptomobil bilen 80ge yéqin herbiy paraxot qatnashturuldi.

sherqiy iqtisadiy munbiri qandaq yighin? ikki chong qoshna döletke nisbeten soda omumiy sommisining 50 milyard bolushi az emesmu? ikki dölet sodida néme üchün dollarning ornigha milliy pul ishlitidu? bu emelge ashamdu?  ikki dölet néme sewebtin qerellik halda ortaq herbiy manéwir ötküzüshni qarar qildi? rusiye herbiy manéwirni néme üchün xitay chégrasigha yéqin jayda ötküzidu?