pütün milletning qaytidin térilishi 15- iyul (awazliq)
türkiyening barliq jameliride bir tutash oqulidighan jume xutbiliri/ 28 - 2018
eziz mumin qérindashlar! jüme küninglar mubarek bolsun!
allah taala quran kerimde mundaq deydu:
«ulargha: <yer yüzide pasat chiqarmanglar> déyilgende, <biz peqet islah qilghuchilarmiz> deydu. shuni bilginki, ular buzghunchilarning del özidur, lékin buni chüshenmeydu»[1]
peyghember eleyhissalam hedis - sheripte mundaq deydu:
«musulman؛ qolidin we tilidin bashqa musulmanlar xatirjem bolghan kishidur. mömin؛ janliri we malliri jehette insanlar uningdin xatirjem bolghan kishidur»[2]
eziz qérindashlar!
biz yashawat bu weten peqetla zéminning bir parchisidin ibaret emes, belki ejdadimizning diyari we shéhitlirimizning amanitidur. kelgüsige mustehkem qedemler bilen méngish üchün uning baghrigha tayinidighan, uning üchün héch ikkilenmestin jénimizni béridighan zémindur, weten!
bizler tarix boyiche wetinimizge muhebbet we sadaqet bilen baghlinip kelduq. muqeddeslirimiz üchün pidakarliq bilen shahadetke yügürduq. chanaqqelede, azadliq urushi mezgilide, namratliq we yoqsulluq ichidimu misilisiz bir shekilde mewjutuliqimizni qoghdash kürishini ishqa ashurduq. lékin héch qachan arqimizgha dajip baqmiduq. iman bilen tolghan köksimizni qanchilighan shermi – hayasiz hujumlargha sépil qilduq. allahning inayiti we yaridimi, jasaritimiz we pidakarliqimiz bilen katta zeperlerni qolgha keltürduq.
15 – iyul kéchisi tang atqiche oqughan salawatlar, towlighan tekbirler, éytqan tesbih we kökke kötürülgen yélinishlar, dunyaning hemmila etrapidiki mömin qérindashlirimizning qol kütürüp millitimizning salametliki üchün qilghan dualiri bilen birleshti. pütün millet bir ten, bir yürek bolup, meydanlargha qarap aqtuq. birlik we barawerlikimizge qarshi qilinghan xainlarche hujumni hemmimiz birlikte tosup qalduq. imanimiz we weten ishqimizdin urghighan u ulughwar ruh bilen xainlarning oyunini buzup tashliduq. paraset, besiret we temkinlikimiz bilen chong bir palayi – qazaning bosughusidin qaytqan bolduq.
15 – iyul kichisi biz duch kelgen ishghaliyetke urunush herikiti din tonigha oriniwalghan idi. shekli heqtek körünüp, emma batilgha xizmet qilidighan fethullahchi térrorluq teshkilati imanimiz, exlaqimiz, hés – tuyghulirimiz, peyghem söygümiz, zakat – sediqe, qurbanliqlirimizni, jümlidin barliq diniy qimmet qarashlirimiz we términlirimizni suyiistémal qildi. özlirining menpeeti üchün millitimizning mawjutluqigha, birlik we barawerlikige, dölitimizning kélechikige qest qildi.
bu xainlar ewladlirimizni ailiridin ayrip tashlap, yürikidin weten söygüsi we ümmet éngini qomurup tashlashqa urundi. tinchliq we islah qilish nami astida diniy tuyghulirimizni suyiistémal qilip, insanlirimizni xatirjemsizlikning girdabigha ittirmekchi boldi. wehalenki peyghember eleyhissalam hedis – sheripte: «musulman؛ qolidin we tilidin bashqa musulmanlar xatirjem bolghan kishidur. mömin؛ janliri we malliri jehette insanlar uningdin xatirjem bolghan kishidur»[3] dégen idi.
eziz qérindashlar!
bizning bir heripimu özgermigen kitabimiz, pütün hayati opochuq bilinip turidighan peyghembirimiz, pirinsipliri roshen bir dinimiz bar. alla qandaqtur chüshler we mexpiy pilanlar arqiliq bu dingha qarshi atalmish islamiy bir dunya sinariyelirini qurup chiqmaqchi bolghan rengwazlar qetiy netijige érishelmeydu. untumasliqimiz kérekki, allah we resulini éghizidin chüshürmey, emeliyette nijis qilmishliri üchün dinimizni suyistémal qilghanlarning aqiwiti her daim ziyandin ibaret bolup keldi. bu ziyan ularni dunyada reswaliqqa we axirette azab - oqubetke duchar qilishtin ibaret bolidu.
eziz qérindashlar!
15 – iyulgha qayta duchar bolmasliq üchün bizning yelkimizge chüshken wezipe؛ aldi bilen dingha oxshash ulughwar heqiqetni shexsler üstige qurup chiqmasliq, sürüshte qilmay turup, eqlimiz, iradimiz we wijdanimizni birsige qarighularche tutquzup qoymasliq, islamni toghra menbelerdin, yaxshi niyetlik we ishenchlik kishilerdin öginishimiz. quran kerim we söyümlük peyghembrimizning sünnetlirini özimizge rehber qilip yashishimizdin ibarettur.
sahabelerdin künimizge qeder musulmanlarning asasliq köp qismi mangghan mötidil yolning sirtiki barliq qarashlarning we éqimlarning siratel musteqimdin, yeni toghra yoldin ézish bolidighanliqini bilishimiz lazim. bizni allahqa emes, özige qul bolushqa chaqiridighanlargha qetiy ishenmeslikimiz we yüzligen yillardin buyan wetimizde shekillengen, islamiy turmush usulimizning mustehkem asasi anadolu meripitige ige chiqishimiz lazim.
eziz mömin qérindashlar!
rebbimiz dualirimizni qobul qilidighan bu ijabetlik saetlerde qéni hemmimiz birlikte allahqa iltija qilayli!
i ulugh rebbimiz! dinimizning dölitimizning, millitimizning we islam dunyasining mewjutluqini tewritidighan her türlük ichki - tashqi bala – musibetlerdin bizlerni foghdighin!
i ulugh rebbimiz! bizlerni pitne otgha ittirmekchi bolghanlargha, izzitimizge, sheripimizge we qérindashliqimizgha köz tikkenlerge purset bermigin!
birlikimiz, mestehkemlikimiz we özara muhebbitimizge ziyan yetküzidighan munapiqliqtin, tepriqchiliqtin we her türlük zorawanliqtin bizlerni qoghdighin, i allah!
sanga iman éytqan bu eziz millettin yardem we inayitingni, küch – quwwet we rehmitingni ayimighin, i allah!
bu eziz wetenning mewjutluqi üchün jan pida qilghan shéhitlirimizge rehmet, ghazilirimizgha shipaliq we xeyrilik uzun ömürler ata qilghin, i allah!
bizlerni ulargha we qehriman ejdadlirimizgha layiq ewlad bolushqa muyesser qilghin, i allah!
amin ya rebbel alimin!
