türkiyening térroizimgha zerbe bérish kürishidiki qetiyliki

türkiye 2016-yildiki 15-iyul herbiy-siyasiy özgirish qozghashqa urunush qilmishidin kéyin térrorizimgha zerbe bérishte yéngiche idiye we usul bilen heriket qilidighanliqini bildürdi. bu yéngiche  idiye we usuldin meqset térrorchilargha qarshi memliket ichidila emes memliket sirtidimu herbiy heriket élip bérilip térrorchilarni uwisidila bir terep qilishtin ibaret. türkiye bu yéngiche idiye we usul türtkiside  firat qalqini herbiy herikiti qozghap türkiye chégrasidin daésh térrorchilirini pütünley tazilghandin kéyin, süriyede zeytun shéxi herbiy herikiti qozghash arqiliq afrin rayonini p k k- y p g térrorchilirining changgilidin azad qildi. türkiye bu ikki herbiy heriketni ongushluq élip barghandin kéyin, p k k – y p g térrorchilirigha téximu qattiq zerbe bérish üchün qendil, sinjar we munbich rayonliridimu herbiy heriket élip bérishni qismen bolsimu bashlidi. eslide qendilge nechche ay ilgirila herbiy heriket qozghalghanidi, munbich mesiliside bolsa amérika bilen türkiye arisida yol xeritisi békitldi. sinjar mesilisi üchün bolsa hem diplomatik hemde herbiy heriket qozghash pilani birlikte élip bérilmaqta.

türkiyening térrorizimgha zerbe bérish herikitini jumhur reis rejep tayyip mundaq xulasilap chiqti: «eskerlirimiz térrorchilarning uwisigha qarap ilgirilmekte, türkiyediki öktichi siyasetchiler xalisun yaki xalimisun biz afrini, jerablusni, el babni, ezizni qatillardin qandaq tazilighan bolsaq, qendildiki térrorchilarning uwilirinimu yoq qilimiz. bu ehwaldin bölgünchi térrorluq teshkilatigha yantayaq bolup kéliwatqanlar biaram bolsimu térrorizimni dölitimizning küntertipidin choqum chiqirip tashlaymiz. biz aldi bilen afringha qaritilghan herbiy herbiy heriketlerge naraziliq bildürgüchiler bilen qendilge qaritilghan herbiy heriketlergimu naraziliq bildürgen ghapillargha bu qétimqi saylamda eng toghra jawabni qayturimiz.»

jumhur reis rejep tayyip erdoghanning 11-iyunda « qendil, sinjargha herbiy heriket qozghiduq, 20 küreshchi ayropilanimiz bilen 14 nuqtini bitchit qilduq. küreshchi ayropilanlirimiz wezipisini ada qilip bolghandin kéyin qaytip keldi»déyishi bilen resmiy élan qilinghan qendil herbiy herikitining teyyarliq xizmetliri nechche ay burun bashlanghanidi. türkiye alahide heriket qisimliri qendilge qarap ilgiriliwatqan bolup, hazirghiche 24 közitish nuqtisi qurup chiqti.

türkiye iraqta herbiy heriket élip bérish arqiliq qendilnila emes térrorluq teshkilati teripidin süriye we iraq arisida öteng süpitide paydilinip kéliniwatqan sinjar rayoninimu p k k  térrorchiliridin tazilashni meqset qilidu. iraq armiyesi bilen amérika eskerlirining sinjar rayonigha kélip orunlishishidin kéyin, bir  qisim p k k térrorchiliri sinjardin chékinip chiqti.

türkiye térrorizimgha zerbe bérish kürishini herbiy sahede élip bérish bilen birge, diplomatiye sahesidimu élip barmaqta. iraq merkizi hökümiti we shimaliy iraq rayonluq hökümitining türkiye teripidin iraqtiki  p k k térrorchilirigha qarshi élip bériliwatqan herbiy heriketlerge naraziliq bildürmesliki türkiyening diplomatiye sahesidiki xizmetlirining utuqluq bolghanliqini körsitip béridu. buningdin sirt türkiye süriyede p k k – y p g térrorchiliri bilen birlikte heriket qilghan amérika bilenmu munbich mesilisi toghruluq qoyuq diplomatik xizmetlerni élip barmaqta.

amérika bilen türkiye arisida élip bérilghan diplomatik xizmetler netijiside  munbich mesilisi toghruluq yol xeritisi békitp chiqildi. munbich yol xeritisige asaslanghanda, p k k – y p g qisimliri munbich rayonidin firatning sherqige chékinidu, türkiye, amérika we firansiye eskerliri birlikte charilash élip baridu, buningdin sirt birlikte heriket qilidu, eng axirida munbichta yerlik mejlis we yéngi mudapie qisimliri qurulidu.

türkiye bilen amérika arisida munbich mesilisi toghruluq békitilgen yol xeritisi munbich bilenla cheklinip qalmaydu, bu yol xeritisi firatning sherqidiki térrorchilarni bir terep qilish üchün örnel bolup qélishi mumkin. munbich yol xeritisi ongushluq ijra qilinghan teqdirde raqqe, deyrez-zor we tal abyadqa oxshash yerlerdimu oxshash yol xeritisining ijra qilinishigha zémin teyyarlap bérishi mumkin. derweqe, raqqe, deyrezzor we tal abyad rayonliridiki yerlik xelq y p  g zulumidin biaram bolmaqta.

omumen qilip éytqanda, yéngi idiye we usul bilen térrorizimgha zerbe bérish kürishi dairiside zor netijige érishken türkiye, aldimizdiki mezgillerde nurghun taktiklarni ishqa sélip térrorluq mesilisini hel qilish yaki héch bolmighanda töwen sewiyege chüshürüsh üchün hazirdin bashlap muhim qedemlerni tashlimaqta. p k k – y p g térrorchiliri yéqinqi yillarda iraq we süriyediki urushtin paydilinip nopuz dairisini kéngeytti, türkiye bolsa derhal herikette ötüp térrorchilarning chégradin halqighan térrorluq qilmishlirini melum derijide tosti. netijide türkiyede térrorluq qilmishliri körinerlik derijide azaydi. türkiye aldimizda térrorluq mesilisini tüptin hel qilish üchün qetiylik bilen heriket qilidu.