katalonyaliqlar néme üchün musteqilliq telep qilidu?
doktor erkin ekremning témigha munasiwetlik analizi
ispaniyening sherqige jaylashqan katalonya aptonom hakimiyiti 1-öktebirde musteqilliq référandumi ötküzülidighanliqini jarkalishi bilen ispaniyede siyasiy weziyet birdinla keskinliship ketti. katalonya aptonom hakimiyiti bilen ispaniye merkizi hökümet otturisida keskin siyasiy küreshler yüz berdi, katalonya aptonom hakimiyiti siyasiy, iqtisadiy we ijtimaiy bolup her jehette yétim qaldurulghanliqini we bésimlargha duch kelgenlikini bildürüp musteqilliq référandumi ötküzüshte ching turup kéliwatqan bolsa, ispaniye merkizi hökümiti kataloniya hakimiyitining référandum qararining asasiy qanunning rohigha pütünlüy zit ikenlikini, shunga référandumning ötküzüshning qanunsiz bolidighanliqini bildürüp qarshi chiqmaqta.
nwette ispaniye merkizi hökümiti katalonya aptonom hakimiyitige musteqilliq référandumi ötküzmesliki üchün küchlük bésimlarni qilishtin sirt bir qatar zerbe bérish heriketlirini élip barmaqta, katalonya hakimiyiti bolsa musteqilliq référandumi ötküzüsh yolida heriket qilmaqta.
katalonya aptonom hakimiyiti néme üchün tereqqiy tapqan döletlerdin teshkil tapqan yawropa ittipaqi ezasi bolghan ispaniyedin ayrilip chiqidu? kataloniyaning ayrilip chiqishni qarar qilishining keynide qandaq tarixiy, medeniyet, iqtisadiy, siyasiy sewebler bar?siyasiy we ijimaiy qurulmisi tolimu murekkep bolghan kataloniyadiki musteqilliq référandumi qandaq netije bilen axirlishidu? musteqilliq référandumi sipaniyede qandaq tesirlerni peyda qilishi mumkin? yer sharilishiwatqan künimizde kataloniyada bolghinidek musteqilliq référandumi hadisisini qandaq chüshinimiz?
