tika kolombiyede ötküzülgen köchmenler féstiwalida türkiyening xizmetlirini tonutti

türkiye awazi radiyosi xewiri: xelqara köchmenler heptisi paaliyetliri paytext bogotada, bogota sheherlik hökümet teripidin ötküzülgen paaliyet bilen axirlashti. tika teripidin élan qilinghan yazma bayanatqa qarighanda, féstiwalgha türkiye, bu dölettiki tika pilani kordinatsiye ishliri xadimliri we teshkilat teripidin orunlashturulghan türk tili we kültüri pirogrammisigha qatnashqan oqughuchilirining paaliyetliri bilen wekillik qildi.

féstiwalda, ishtirakchilar türkiyening köchmenlerge qilghan xelqaraliq yardemliri toghrisidiki uchurlar bilen teminlendi. bayanatta, türkiyening bogotada turushluq bash elchisi chilning «dölitimizning xelqara hemkarliq we tereqqiyat orgini bolghan tika, jenubiy afriqida we dunyaning herqaysi jaylirida köchmenler üchün qilghan xizmetliri bilen ülge bolmaqta» dégen ibarilirige orun bérildi.

féstiwalgha awstraliye, ékwator, boliwiye we biraziliyening elchixana we ijtimaiy küchler bashqurushidiki organlirining yuqiri derijilik xadimlirining ishtirak qilghanliqi tekitlendi.