insaniyetning medeniyet mirasi hésablinidighan zebid shehiri xusiylarning tehditi astida
b d t maarip, ilim – pen we meeniyet teshkilati «UNESCO» teripidin dunya medeniyet mirasi tizimlikige kirgüzülgen zebid shehiri xusiylarning buzghunchiliqgha uchrimaqta.
türkiye awazi radiyosi xewiri: yemen medeniyet ministiri merwan demmaj xusiylarning zebid shehiridiki mewjutluqining «insaniyetning medeniyet mirasi» gha éghir tehdit boluwatqanliqini éytti.
merwan demmaj yemen armiyesige tewe «September Net» namliq intérnét torida élan qilinghan bayanatida, tarixiy ehmiyiti zor zebid shehirining urush meydanigha aylandurulmasliqi kérekliki heqqide alahide agahlandurushta boldi.
merwan demmaj xusiylarning sheherni baldurraq tashlap chiqip kétishini telep qilip: «xusiylarning zebiddiki mewjutluqini dawamlashturishi, b d t maarip, ilim – pen we meeniyet teshkilati «UNESCO» teripidin dunya medeniyet mirasi tizimlikige kirgüzülgen bu sheherdiki medeniy bayliqlargha nisbeten intayin chong tehdit shekillendürmekte. xusiylar sheherdiki tarixiy yadikarliqlargha éghir ziyan salmaqta» dédi.
yene bir tereptin birleshken döletler teshkilati balilar yardem fondi jemiyiti «UNICEF» twittér hésabidin élan qilghan bayanatida, bu yilning deslepki yérimida yemendiki urushning ziyinigha uchrighan 131 mektepning rémont qilinghanliqini élan qildi.
bayanatta, rémont qilinghandin kéyin 125 mingdin artuq oqughuchining qaytidin oquyalaydighanliqi qeyt qilindi.
