chong bushning ayali barbara bush alemdin ötti

türkiye awazi radiyosi xewiri: bush ailisining bayanatchisi jim mégres barbara bushning wapatini yazma shekilde élan qildi.

bayanatta, barbara bushning seyshenbe (17-aprél) küni alemdin ötkenliki, depne murasimigha munasiwetlik ishlarning kéyinche uqturulidighanliqi bildürüldi. barbara bushning oghli, shundaqla amérikaning 43-nöwetlik pirézidénti bolghan jorj w. bush (George W. Bush ) mu anisining wapati toghrisida yazma bayanat élan qildi.

u bayanatida: «barbara bushning oghli bolghanliqim üchün nahayiti teleylikmen, ailimiz uni köp séghinidu. bu waqitta, biz bilen birge bolghanliqinglar üchün hemminglargha teshekkür éytimen» dédi.

amérika pirézidénti donald trampmu bush ailisige teziye bildürdi. u: «barbara bush hem dölitige hemde ailisige özini bighishilash rohi bilen her daim xatirilinidu» dédi.

jorj x. w. bush yekshenbe (15-aprél) yazma bayanat élan qilip, repiqisi babara bushning dawalinishni ret qilghanliqini bildürgen idi. barbara bushning yene bir oghli jéb bush 2017-yildiki pirézidéntliq saylimida jumhuriyetchilerning namzat namzati bolghan bolup, trampqa utturup qoyghan idi.

barbara bush 1925-yili niyu yorkta dunyagha kelgen bolup, jorj x. w. bush bilen 73 yil öy tutti. uning besh perzenti, 17 newrisi bar. u amérikada hem yoldishi hemde oghli pirézidént bolghan ikki ayalning biri idi.

abigéyil adams amérikaning ikkinchi nöwetlik pirézidénti, oghli jon kwinsi adams 6-nöwetlik pirézidénti bolghan idi.