gollandiye pelestinlik musapirlargha yardem qilidighanliqini élan qildi

türkiye awazi radiyosi xewiri: gollandiye tashqi soda we tereqqiyat hemkarliq ministiri sigrid kaag yazma bayanat élan qilip, pelestinlik musapirlargha yardem qilish teshkilati duch kelgen qiyinchiliqlarni közde tutup, 13 milyon yawro yardem qiildighanliqlirini bildürdi.

u: «b d t pelestinlik musapirlargha yardem qilish teshkilatining tarixidiki eng chong maliye kirizisini bashtin kechürüwatqanliqi éytiliwatidu. kishiler, bolupmu kichik balilar buning ziyinigha uchrash xewpige duch keldi. buningdin bashqa, rayondiki muqimliqning téximu éghir bolghan bésimning astida qélish xewpi bar. b d t pelestinlik musapirlargha yardem qilish teshkilatining rolini nezerdin saqit qilishqa bolmaydu» dédi.

amérika tashqi ishlar ministirliqining bayanatchisi xésir nowrt 15-yanwar b d t pelestinlik musapirlargha yardem qilish teshkilatigha bérilidighan 125 milyon dollardin 65 milyon dollarni «qayta közdin kechürüsh üchün» toxtitip qoyulghanliqini bildürgen idi.

pelestin istatistika merkizining sanliq melumatlirigha asaslanghanda, b d t pelestinlik musapirlargha yardem qilish teshkilatigha tizimgha aldurghan 5.9 milyon pelestinlik musapirdin 2.1 milyoni iyordaniyede, 1 milyon 445 mingi ghezzede yashaydighan bolup, qalghanliri iyordan deryasining gherbiy qirghiqi, süriye we liwanda yashaydiken.