türk alim mustapa mukapatigha layiq körüldi
iranda tarqitilghan we islam dunyasining nobél mukapati depmu atilidighan «mustapa mukapati» london kolij inistituti (London Imperial College) oqutquchisi türk piroféssor sami erol gelenbege erolgha bérildi.
türkiye awazi radiyosi xewiri: kompiyutér tori we sistémiliri hemde ularning matématikiliq analizliri tetqiqati bilen mustapa mukapatigha layiq körülgen türk alim, 500 ming dollarliq mukapatning igisige aylandi.
kompiyutér, éléktiron énzhénirliqi we qollinishchan matématika saheside tetqiqat qiliwatqan piroféssor doktor sami erol gelenbe, iran tesis qilghan bu yilliq «mustapa mukapati» gha érishti. mustapa mukapati ikki yilda bir qétim tarqitilidighan bolup, bu yil tarqitilghan ikkinchi qétimliq mukapat, bilim we pen-téxika saheside islam dunyasida netije yaratqan alimlar we tetqiqatchilargha bérildi.
bahalighuchilar, bu qétim 31 dölettin jemiy 241 eserning bahalanghanliqini, inchike bahalash netijiside türkiye bilen irandin tallanghan ikki eserning mukapatqa layiq körülgenlikini bildürdi.
türk piroféssor gelenbedin bashqa, iranliq alim muhemmed emin shükrullahi uchur nezeriyesi üstidiki tetqiqati bilen mukapatqa tallandi. bu yilqi mustapa mukapati téhrandiki wahdet konférans zalida ötküzülidighan murasim bilen igilirige tarqitip bérilidu.
