rusiye türkiyege téléwiziye tiyartiri zakas qildi
«Türk Maya Productions» shirkiti ishlep bermekchi bolghan «qelbning soltani» namliq téléwziye tiyatiri rusiye bazirida yéqinqi yillardin buyanqi bahasi eng yuqiri filim layihesi qataridin orun aldi.
türkiye awazi radyosi xewiri: rusiyening «Gazprom-Medya» shirkitige qarashliq «Perviy» téléwiziye qanili türkiyege köp qisimliq téléwziye tiyatiri zakas qildi.
türkiyede ishlengen téléwiziye tiyatirlirining rusiyede qolgha koltürgen utuqliri rusiyediki filim shirketlirini türkiye bilen hemkarlishishqa ündimekte.
rusiyening «Gazprom-Medya» shirkitige qarashliq «Perviy» téléwiziye qanili üchün «Türk Maya Productions» shirkiti ishlep bermekchi bolghan «qelbning soltani» namliq téléwziye tiyatiri rusiye bazirida yéqinqi yillardin buyanqi bahasi eng yuqiri filim layihesi qataridin orun aldi.
«Gazprom-Medya» shirkiti dairiside paaliyet qiliwatqan «KIT» kino situdiyosi bilen «Türk Maya Productions» shirkiti wekilliri « Global Connection International Media Group» guruhi bilen «Perviy» téléwiziye qanili üchün «qelbning soltani» namliq téléwziye tiyatirini ishlepchiqirish kélishimi imzalidi.
filim türkiyediki kino sitodiyoliridin birside singha élinidighan bolup, filimde türkiye we rusiyening artisliri birlikte rol alidu. filimni ishlep chiqirishni «Türk Maya Productions» shirkiti öz üstige alidu. téléwziye tiyatiri depslepte türk tilida ishlepchiqirilghandin kéyin ruschigha terjime qilinip awaz bérilidu.
kélishimge binaen «qelbning soltani» namliq téléwziye tiyatiri 24 bölümlük bolup, «KIT» kino situdiyosi filimning utuqigha qarap kéyinche 4 pesillik qilip ishlepchqirishnimu pilanlimaqta.
«KIT» kino situdiyosi diriktori aléksandir bondaréw: «bu xamjot we bölüm sani nuqtisidin yéqinqi yillardin buyanqi eng chong xelqaraliq kélishim boldi» dep éniqlima berdi.
