qedir kéchisi beshtepe millet jameside we ayasofyada idrak qilinidu
islam dinida ming aydinmu artuq bolghan charshenbe künini peyshenbe künige baghlighan kéche idrak qilinidighan qedir kéchisi munasiwiti bilen, jumhur reislik külliyesidiki beshtepe millet jameside alahide paaliyet ötküzülidu.
türkiye awazi radiyosi xewiri: jumhur reis rejep tayyip erdoghan qedir kéchisi beshtepe millet jamesidiki paaliyetke ishtirak qilidu. paaliyetke, misirdin kelgen qari memduh ibrahim amir, qari adem kemaneji, jenubiy afriqiliq qari abdurrahman sadién, bosniyelik qari senad podojaklar quran kerim tilawiti qilidu. paaliyette ilahiy naxshilarmu oqulidu. paaliyettin kéyin zohurluq üchün qalghanlargha millet jameside tamaq tarqitip bérilidu, sham we xupten namizi ariliqidimu tamaq tarqitilidu.
qedir kéchisi istanbulda ayasofyada idrak qilinidu. bu yerdiki paaliyetke diniy ishlar idarisining bashliqi mehmet görmez qedem teshrip qilidu. t r t diyanet qanili paaliyetni «beriket waqti ayasofya» namliq pirogrammida biwaste neq meydandin tarqitidu. ayasofya jameside quran kerim, tekbir we ezan awazliri yangraydu.
diniy ishlar idarisi bashliqi mehmet görmez qedir kéchisi munasiwiti bilen télégramma tarqatti. u: «biz möminlerning qedir kéchiside qilidighan wezipimiz, esirler burun nazil bolup insaniyetni qutquzushqa bashlighan quranni, qelbimizning asminigha qaytidin chüshürüshtur» dédi.
u, allahning bu kéchide nazil qilghan quran kerim bilen insaniyetni mukapatlandurghanliqini, axirqi we eng mukemmel din bolghan islam bilen insaniyetni shereplendürgenlikini qeyt qildi.
