firansiyede yashawatqan türkler iptarda bir yerge jem boldi

türkiye awazi radiyosi xewiri: goussainwillé rayonidiki ulugh jamesi jemiyiti teripidin bérilgen iptar ziyapitige türkiyening parizh bash elchixanisi diniy ishlar muawin meslihetchisi ilhan sarikülche, firansiye islam kéngishining muawin bashliqi ehmed oghrash, yawropaliq türk démokratlar birliki parizh shöbisining mesuli yalchin shimshek, musteqil soda - sanaetchiler we karxanichilar jemiyiti parizh shöbisining mesuli haqan qalayji, diniy ishlar türk – islam birlikining ijraiye heyiti ezaliri, ammiwi teshkilatlarning mesulliri we türkler ishtirak qildi.

goussainwillé sheherlik hökümitining bashliqi alain louismu qatnashqan ziyapet harpisida ilahiylar oquldi we semazen nomurliri orundaldi. zalda ezanning oqulushidin kéyin iptar qilindi.

ziyapette söz qilghan ulugh jamesi jemiyitining bashliqi chelebi, iptar ziyapitige qatnashqanlargha rehmet éytti hemde bu ramizanda her küni ammiwi halda birlikte iptar qilish pursitige érishkenlikliri üchün özlirini tolimu bextlik hés qilidighanliqlirini éytti.

goussainwillé sheherlik hökümitining bashliqi alain louis firansiyediki musulmanlarning diniy ibadetlirini  erkin – azade halda ada qilish hoquqigha ige ikenlikini tekitlidi.