ئەردوغان: ئىسلامنىڭ نىشانى مۇسۇلمانلارنىڭ بىرلىك ۋە باراۋەرلىكى
جۇمھۇر رەئىس ئەردوغان ئىسلام دىنىنىڭ مۇسۇلمانلارنىڭ بىرلىك ۋە باراۋەرلىكىنى نىشان قىلىدىغانلىقىنى ئېيتتى.
تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان بوكس شاھى مۇھەممەد ئەلىنىڭ مېيت نامىزىغا قاتنىشىش ئۈچۈن زىيارەتتە بولۇۋاتقان ئامېرىكا قوشما ئىشتاتلىرىدا بەرگەن باياناتىدا، مۇسۇلمانلارنىڭ بىرلىك ۋە باراۋەرلىكى توغرۇلۇق توختىلىپ مۇنداق دېدى: «مۇھەممەد ئەلىنىڭ مېيت نامىزىدا مىللىتى ۋە جەمئىيەتتىكى ئورنى بىر - بىرىگە ئوخشىمايدىغان كىشىلەر بىر يەرگە جەم بولدى. ئىسلامنىڭ نىشانىمۇ، مۇسۇلمانچىلىقنىڭ نىشانىمۇ دەل مۇشۇ. بىز مانا مۇشۇنداق بىرلىك ۋە باراۋەرلىكىمىزنى كۈچەيتكەن، تېخىمۇ تەرەققىي قىلدۇرغان تەقدىردە، مۇسۇلمانلارمۇ، ئىنسانىيەت دۇنياسىمۇ تىنچلىققا ئېرىشەلەيدۇ، ھۇزۇر – ھالاۋەتلىك ياشاش ئىمكانىيىتىدىن بەھرىمەن بولالايدۇ.»
ئىگىلىنىشىچە، ئەردوغان بۈگۈن بوكس شاھى مۇھەممەد ئەلى ئۈچۈن ئۆتكۈزۈلىدىغان ئىككىنچى مۇراسىمنى كۈتمەستىن تۈركىيەگە قايتىدىكەن.
مۇناسىۋەتلىك خەۋەرلەر
سەئۇدى ئەرەبىستاندىكى تۇنجى ئوپېرا ئوينالدى
سەئۇدى ئەرەبىستاننىڭ تۇنجى چوڭ ئوپېرا پايتەخت رىيادتا تۇنجى قېتىم ئوينالدى.