30 milyon yilliq tarixqa ige tashqatma tépildi

türkiye awazi radiyosi xewiri: 30 milyon yilliq tarixqa ige tashqatma tépildi.
chorumning sungurlu nahiyeside, bir mal baqquchining uchurigha asasen kerkidan tashqatmisi tépildi.
tashqatmining buningdin 30 milyon yil ilgiriki dewirge ait ikenliki texmin qilinmaqta.
rayonda, kan bayliqlirini qézish, qidirip tekshürüsh bash idarisi heyetlirining paaliyetliri netijiside 60 dane nahayiti chong kerkidan tashqamisi tépildi.
géologiye énzhinéri neshe oyal, «tashqatmilar erkek kerkidanlargha ait bolup, her bir tashqatmining éghirliqi 10 tonnidin, mürisining égizliki 5 métirdin artuq kélidighanliqi texmin qilinmaqta» dédi.
buningdin 30 milyon yil ilgiriki dewirge ait ikenliki texmin qiliniwatqan tashqatmilar, haywanlarning köchüsh yolliri toghriliqmu muhim yip uchlirini bermekte.
tetqiqatchilarning bildürüshiche, tetqiq qilip tekshürüsh xizmiti uda 2 yil dawamlishidiken.