afghanistanda kelkünde jénidin ayrilghanlar sani 400 ge yéqinlashti
afghanistannng türkmenistan chégrasidiki feryab wilayitide yüz bergen kelkünde yene 18 kishi jénidin ayrildi.
türkiye awazi radiyosi xewiri: afghanistanning shimaliy wilayetliride yéqinqi heptilerde yaghqan shiddetlik yamghurlar sewebidin yüz bergen kelkünde jénidin ayrilghanlarning sani 400 ge yéqinlashti.
feryab wilayitining bayanatchisi ismetullah muradi tolo niyus (TOLO News) qanilining ziyaritini qobul qilghanda, kelkün sewebidin yene eng az dégende 18 kishining jénidin ayrilghanliqini éytti.
u yene, 2 milyon kiwadrat métirdin artuq déhqanchiliq étizining buzghunchiliqqa uchrighanliqini, mingdin artuq öyning oxshimighan derijide ziyangha uchrighanliqini we 300 din artuq haywanning ölgenlikini eskertti.
tünügün (19-may) mu gor wilayitide yüz bergen kelkünde ölüm-yétim weqelirining yüz bergenliki we onlarche kishining yoqap ketkenlikini bildürülgen idi.
afghanistanda qish peslide yaghqan qarlarning érishi, bahar aylirida yamghurning köp yéghishi we ammiwi ul-eslihelerning yéterlik bolmasliqi tüpeylidin peyda bolghan kelkün apetliri ölüm-yétim hadisilirini keltürüp chiqiridu. bu sewebtin her yili yüzlerche kishi jénidin ayrilidu.
