bir qisim yawropa döletlirining pelestin dölitini étirap qilidighanliqi ilgiri sürüldi

türkiye awazi radiyosi xewiri: irélandiye radiyo-téléwiziyesining xewirige qarighanda, irélandiye, ispaniye, silowéniye we maltaning pelestin dölitini étirap qilish toghrisidiki alaqisi kücheygen.

irélandiye muawin bash ministiri, qoshumche tashqi ishlar we mudapie ministiri maykél martinning bayanatchisimu mezkur söhbetlerning dawam qiliwatqanliqini delilligen.

éytishlargha qarighanda, irélandiye bilen ispaniyeni öz ichige alghan yawropa ittipaqidiki bir qisim döletler 21-may pelestin dölitini étirap qilghanliqini élan qilidiken.

melumki, irélandiye, silowéniye, malta we norwégiye ispaniyening pelestin dölitini étirap qilish yolidiki lobichiliq paaliyitini qollawatatti.

pelestin döliti hazirghiche bulghariye, polsha, chéxiye, ruméniye, silowakiye, wéngiriye, jenubiy qibris rum hakimiyiti we shiwétsiyeni öz ichige alghan yawropa ittipaqigha eza 8 dölet teripidin étirap qilindi.