ghezzeni qayta qurush üchün 40 milyard dollardin artuq meblegh kétidu
ghezzeni qayta qurush üchün nechche on yil waqit we 40 milyard dollardin artuq meblegh kétidighanliqi texmin qilinmaqta.
türkiye awazi radiyosi xewiri: birleshken döletler teshkilati tereqqiyat pirogrammisining ereb döletliri rayonluq biyurosining mudiri abdullah ezzerdari, b d t diki kündilik axbarat élan qilish yighinigha tordin ulinip qatnashti hemde muxbirlargha bayanat élan qildi.
ezzerdari b d t ning ghezze üchün pilanlighan deslepki eslige keltürüsh basquchi üchün 3 yildin 5 yilghiche waqit, 2 milyardtin 3 milyard dollarghiche meblegh kétidighanliqini, uzun muddetlik qayta qurush pilanini ishqa ashurush üchün nechche on yil waqit kétidighanliqini éytti.
u pelestinning insaniy tereqqiyat körsetküchining 20 yil keynige chékinip ketkenlikini, bolupmu ghezzening 40 yil keynige chékinip ketkenlikini tekitlep mundaq dédi:
«ghezzede 80-yillargha qaytip kettuq.»
ezzerdari yéqinqi 20 yilda pelestin zéminida we yéqinqi 40 yilda ghezzede insanlarning tereqqiyatigha sélinghan barliq mebleghlerning nölge aylanghanliqini, texminen 50 milyard dollar mebleghning weyran bolghanliqini qeyt qildi.
u ghezzeni qayta qurush üchün 40 milyard dollardin artuq meblegh kétidighanliqini éniqlap chiqqanliqlirini bayan qildi.
ezzerdari ghezzede tazilashqa tégishlik texminen 37 milyon tonna tashlanduqning barliqini, bu yerdiki turalghularning % 72 ining weyran bolghanliqini, bundaq qisqa waqit ichide bundaq keng kölemlik buzghunchiliqning ezeldin körülüp baqmighanliqini tekitlidi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
