amérika we yawropadiki nurghun uniwérstétlarda pelestin namayishliri dawamlashmaqta
parizh 1-pantéon sorbon uniwérstéti oqughuchiliri isirailiyening hujumigha uchrawatqan ghezzede «irqiy qirghinchiliqni toxtitish» chaqiriqi astida kampuslarda namayish bashlidi. kolombiye uniwérstétidiki namayishlar saqchilarning basturushigha uchridi.
türkiye awazi radiyosi xewiri: firansiye paytexti parizhning 13-rayonigha jaylashqan parizh 1-pantéon sorbon uniwérstétining oqughuchiliri isirailiyening ghezze hujumlirigha naraziliq bildürüsh meqsitide kampusta toplandi.
oqughuchilar «makron xalimisimu pelestinning sheripi we öltürülgenler üchün bu yerdimiz» dep shoar towlap, pelestin bayraqlirini lepildetti.
wénézuéla paytexti karakastimu yüzligen oqughuchi isirailiyening ghezzege qiliwatqan hujumlirigha naraziliq bildürüsh üchün, sheherdki eng chong kochida pelestin we wénézuéla bayraqlirini kötürüp piyade yürüdi.
oqughuchilar «pelestinge erkinlik» dep shoar towlidi.
amérikaning niyu york shehirige jaylashqan kolombiye uniwérstétida, saqchilar tarixiy xamilton xolda pelestinni qollash namayishini dawamlashturuwatqan oqughuchilarni qolgha aldi.
kolombiye uniwérstétining morningsayd xayts (Morningside Heights) kampusida oqughuchilar qurghan ghezze hemkarliq lagéri, saqchilar teripidin tarqitiwétildi. amstérdam kochisi terepke toplanghan amma, xamilton xol binasidiki oqughuchilar namayishini basturghan saqchilargha naraziliq bildürdi.
florida ishtatining tampa shehiridiki jenubiy florida uniwérstétida, saqchilar pelestinni qollighan oqughuchilargha yash aqquzush bombisi étip, 10 din artuq oqughuchini tutqun qildi.
