amérikada 101 yashliq ayalgha ikki yashliq bowaq dep bélet sétildi
amérikada 101 yashliq bir ayalning ayropilan béliti hawayolliri shirkitining sistémisidiki chataq sewebidin ikki yashliq bowaq dep élindi.
türkiye awazi radiyosi xewiri: familesini ashkarilashni xalimighan 101 yashliq pénsiyonir sistéra patrisha (Patricia) ning mishigangha aile ziyariti üchün ayropilanda seper qilmaqchi bolghanda, béletning bowaq dep bérilgenliki we bu sewebtin qiyinchiliqqa yoluqqanliqi bildürüldi.
patrisha amérika hawa yolliri shirkitining bélet sistémisida tughulghan yil bolghan 1922 ni «nahayiti burunqi» bolghanliqi üchün tonumighanliqini we tughulghan yilini 2022 dep tonighanliqini bayan qildi.
u: «bowaq bolghanliqim we quchaqqa élinishim kérek bolghanliqi üchün, ayrodurumda charqliq orunduq tapalmidim. shunga, ayropilandin chüshkendimu nahayiti uzunghiche saqlap turushqa mejbur boldum» dédi.
amérika hawa yolliri shirkiti buninggha munasiwetlik héchqandaq soalgha jawab bermigen.
