afghanistanda arqimu arqa kelkün yüz berdi
afghanistanda yéqinqi üch künde arqimu arqa yüz bergen kelkün sewebidin 33 kishi jénidin ayrildi.
türkiye awazi radiyosi xewiri: afghanistan waqitliq hökümitining tebiiy apetlerge taqabil turush ministirliqining bayanatchisi molla janan saik axbarat élan qilip, yéqinqi üch kün ichide yüz bergen kelkünde farah, hirat, zabul we qendehar wilayetliride eng köp ölüm-yétim hadisilirining körülgenlikini bildürdi.
u 21 wilayette kelkün yüz bergenlikini, saik wilayitide 33 kishining jénidin ayrilip, 27 kishining yarilanghanliqini, 200 tuyaq charwa malning ölgenlikini, 600 din artuq öyning örülüp chüshkenlikini we 200 géktar déhqanchiliq étizining pütünley buzghunchiliqqa uchrighanliqini eskertti.
afghanistanda qish peslide yaghqan qarning hawaning issishi netijiside érishi, yamghur yéghishi we ul-eslihelerning yéterlik bolmasliqi sewebidin kelkün apetliri köp yüz béridu. bu tüpeyli afghanistanda her yili yüzlerche kishi jénidin ayrilidu.
