америка б д т ниң исраилийә тоғрисидики «ирқий қирғинчилиқ» доклатини рәт қилди

түркийә авази радийоси хәвири: б д т ниң пәләстин алаһидә доклатчиси фирансиска албанесе исраилийәниң ирқий қирғинчилиқ җинайити садир қилғанлиқини оттуриға қойуп: «дунйаниң исраилийәни җавабкарлиққа тартмаслиқи ғәззәдә ирқий қирғинчилиқ садир қилишини кәлтүрүп чиқармақта. ғәззәдики ирқий қирғинчилиқ узун муддәт давамлашқан көчмән мустәмликисиниң әң чекидин ашқан басқучи» деди вә б д т ға әза дөләтләрни исраилийәгә җаза йүргүзүшкә чақирди.

б д т доклатчиси албанесениң бу сөзлири америка қошма иштатлирини биарам қилди؛ америка ташқи ишлар министирлиқи байанатчиси матев миллер, дөлитиниң бу доклатни қобул қилмайдиғанлиқини, исраилийәниң «ирқий қирғинчилиқ җинайити садир қилмиғанлиқи»ни илгири сүрди.

у вашингтонниң исраилийәни қоллашни давамлаштуридиғанлиқини елан қилип: «доклатниң өзигә кәлсәк, биз ирқий қирғинчилиқ әйибләшлириниң асассиз икәнликигә ишинидиғанлиқимизни ениқ оттуриға қойдуқ. әмма, биз йәнила ғәззәдики пуқраларниң өлүш-йарилиниш санидин күчлүк әндишә қилмақтимиз» деди.

байанатчи матев миллер  йәнә, доклатни елан қилған б д т пәләстин алаһидә доклатчиси албанесениң доклатида антисимитизмлиқ ибариләрни ишләткәнликини илгири сүрди.