p k k terepdarliri bélgiyede qalaymiqanchiliq peyda qildi
bélgiye paytexti biryusséldiki yawropa parlaménti aldigha yighilghan bölgünchi térrorluq teshkilati — p k k terepdarliri qalaymiqanchiliq peyda qilip, tosuqlarni örüp, saqchilargha hujum qildi.
türkiye awazi radiyosi xewiri: teshkilatqa simwolluq qilidighan latilar bilen teshkilat kattibashlirining resimlirini kötürüwélishqan bölgünchi térrorluq teshkilati terepdari 150 kishi tünügün shu yer waqti saet 12:00 de yawropa parlaménti aldidiki liyuksémburg meydanigha yighilip qalaymiqanchiliq chiqardi, türkiyege qarshi shoarlarni towlidi.
teshkilat terepdarliri meydan etrapidiki tosuqlarni pachilap, saqichlargha atti. saqchilar özlirige orunduq we tashlarni étip hujum qilghan p k k terepdarlirini yash aqquzush bombisi ishlitip tarqaqlashturushqa tirishti.
ular aldi bilen türkiyening biryusséldiki elchixanisi jaylashqan kochigha, andin yawropa ittipaqi organliri jaylashqan shuman meydanigha qarap ilgirilimekchi bolghan bolsimu, saqchilarning tosiqigha duch keldi.