«F-16» сетип беришни тосуш қанун лайиһәси рәт қилинди
америка кеңәш палатаси «түркийәгә сетип беришни тосуш» мәзмун қилинған қанун тәклип лайиһәсини рәт қилди.
түркийә авази радийоси хәвири: кентакий (Kentucky) иштатидин сайланған америка кеңәш палата әзаси ранд павул (Rand Paul) 5-феврал (2024) да сунған лайиһәни қобул қилиш йаки рәт қилишқа мунасивәтлик аваз ташлаш, палата омумий кеңишидә елип берилди.
түркийәгә «F-16» сетип берилишини тосуш қанун тәклип лайиһәси, 13 кә қарши 79 аваз билән рәт қилинди. буниң билән, павулниң өз алдиға сунған вә американиң түркийәгә «F-16» сетип беришини тосуш, кеңәш палатасида йуқири нисбәт билән рәт қилинған болди.
америка ташқи ишлар министирлиқи 26-йанвар (2024) түркийәгә 40 данә «F-16» сетип бериш, түркийәниң қолидики «F-16» ларни йеңилаш тоғрисида конгрәгә мәлумат сунған иди. 15 күнлүк тәкшүрүш вә наразилиқ билдүрүш басқучида пәқәт кентакий кеңәш палата әзаси ранд павулниң наразилиқила күнтәртипкә кәлгән иди. у сунған қанун тәклип лайиһәси кеңәш паласиниң ташқи мунасивәтләр комитетиға әвәтип берилгән болсиму, һечқандақ чарә көрүлмигән иди.
америка һөкүмити бу басқучлардин кейин, түркийәгә «F-16» сетип беришкә мунасивәтлик тәстиқ вә тәклип мәктуплирини пайтәхт әнқәрәгә йәткүзгән иди.
