zélénskiy déngiz yolining échilishi mesiliside erdoghangha ishinidighanliqini éytti

türkiye awazi radiyosi xewiri: pirézidént zélénskiy ukrainaning paytexti kiyéwda ötküzülgen «ukraina 2024-yili» namliq munber yighini munasiwiti bilen chaqirilghan axbarat élan qilish yighinida söz qildi.

zélénskiy mékolayiw rayonidiki portlardin ashliq toshushni eslige keltürüsh mesilisi üstide toxtilip: «men jumhur reis erdoghanning mikolayiw rayonida déngiz yolini échishimizgha yardem béreleydighanliqigha ishinimen. türkiyening birleshken döletler teshkilati bash katipi antoniyo gutérés bilen qara déngizda déngiz seperliri erkinliki mesilisini muzakire qilghanliqini bilimen. biz bu xil muzakirege teyyarmiz. bu mesilining (yershari tinchliqi aliy derijilik rehberler yighinining) tunji échilish yighinidila hel bolidighanliqigha ishinimiz» dédi.