yaponiye sherqiy jenubiy asiyadiki töt döletke yardem qilidu
yaponiye xelqara hemkarliq agéntliqi (JICA) jenubiy déngizda bixeterlikni kücheytish meqsitide sherqiy jenubiy asiya döletliri ittipaqi (ASEAN) gha eza töt döletni 10 yil boyiche déngiz bixeterliki yardimi bilen teminleshni pilanlidi.
türkiye awazi radiyosi xewiri: yaponiye sherqiy jenubiy asiya döletliri ittipaqigha eza töt döletke 10 yil boyiche déngiz bixeterliki yardimi qilishni pilanlidi. buninggha asaslanghanda, jenubiy déngizning bixeterlikini kücheytish üchün sherqiy jenubiy asiya döletliri ittipaqigha eza hindonéziye, malayshiya, filippin we wiyétnamgha déngiz-okyan bixeterliki saheside 10 yil yardem béridiken.
tepsiliy mezmuni 2025-yili martta élan qilinishi pilanlanghan yardem layiheside, yaponiye tilgha élinghan döletlerni her xil uchqu, radar üsküniliri we charlash paraxoti qatarliq bixeterlik saheside iqtidarini kücheytidighan yardemler bilen teminleydu.
sherqiy jenubiy asiya döletliri ittipaqigha eza döletler we yaponiye hökümiti, dékabir (2023) da özara munasiwet ornitilghanliqining 50-yilliqi munasiwiti bilen dostluq we ikki terep hemkarliqini ashurush meqsitide, paytext tokyoda rehberler yighini ötküzgen idi.
