pakistanda saylam xadimlirigha qaritilghan qoralliq hujumda bir saqchi qaza qildi

türkiye awazi radiyosi xewiri: pakistan saqchi xadimliri xeyber paxtonxwa wilayitige qarashliq kot azam rayonida namelum kishilerning saylam xadimlirigha qoralliq hujum qilghanliqini bildürdi.

hujumda bir saqchining qaza qilghanliqi we kot azamdiki awaz tashlash paaliyitining waqitliq toxtitilghanliqi uqturuldi.

bu jeryanda, pakistandiki 128 milyondin artuq saylighuchi besh yil boyiche qanun chiqirish hoquqini saqlap qalidighan pakistan parlaménti we ishtat parlamént ezaliri üchün awaz tashlashni bashlidi.

dölet parlaméntidiki 266 orun üchün 5 ming 121 namzat we töt ishtatliq parlaménttiki 593 orun üchün 12 ming 695 namzat riqabetleshmekte.

saylighuchilar lahor, karachi, péshawur we kuétta qatarliq sheherlerde, bolupmu paytext islamabadta awaz tashlash üchün uzun öchretlerni shekillendürdi.

90 ming 675 saylam sanduqida awaz tashlash paaliyiti shu yerning waqti 17:00 de axirlishidu.