америка: түркийәгә ф-16 сетип бериши дөләт мәнпәәтигә мас келиду
америка һөкүмити түркийәгә F-16 типлиқ күрәшчи айропиланларни сетип беришниң америка, түркийә вә шималий атлантик әһди тәшкилати — натониң башқа иттипақдашлириниң дөләт бихәтәрлик мәнпәәтигә мас келидиғанлиқини билдүрди.
2092612
түркийә авази радийоси хәвири: ақсарай дөләт бихәтәрлик кеңишиниң бир әмәлдари, түркийәгә F-16 типлиқ күрәшчи айропилан сетип бериш мәсилиси тоғрисида тохталди؛ у америка пирезиденти җо байдинниң баштин-ахир түркийәниң F-16 филотини заманивилаштурушни қоллап кәлгәнликини оттуриға қойуп: «бу (түркийәгә F-16 сетип бериш) һәм натониң өзара маслишишчанлиқини ашуриду һәмдә американиң дөләт мәнпәәтигә уйғун. чәт дөләтләргә қорал-йарағ сетишта дөләт мәҗлиси муһим рол ойнайду. биз бу мәсилә үстидә дөләт мәҗлиси билән һәмкарлишиватимиз» дегәнләрни қәйт қилди.
