mehmut abbas pelestin mesilisini muzakire qilish üchün qahirege yétip bardi
pelestin dölet reisi mehmut abbas isirailiyening pelestin zéminliridiki hujumliri we urush toxtitish éhtimalliqi qatarliq mesililerni muzakire qilish üchün qahirege yétip bardi.
türkiye awazi radiyosi xewiri: pelestin wafa (WAFA) agéntliqi mehmut abbasning misir pirézidénti abdulfettah essisining teklipige binaen qahireni ziyaret qilghanliqini xewer qildi.
mehmut abbas bilen misir pirézidénti abdulfettah essisining, «isirailiyening pelestinliklerge qarshi dawamlashturuwatqan irqiy qirghinchiliqini derhal we uzun muddetlik toxtitish üchün qiliniwatqan xizmetler üstide muzakire ötküzidighanliqi» qeyt qilindi.
buningdin bashqa, ghezzediki insaniy balayiapetni yingish yolliri, pelestin xelqini yurt-makanliridin qoghlashning aldini élish, isirailiye küchliri bilen ashqun yehudiy köchmenlirining gherbiy qirghaq we quddustiki hujumlirini toxtitish üchün, misir, ereb döletliri shundaqla rayon hemde xelqaraliq sewiyede qiliniwatqan xizmetlerning muzakire qilinidighanliqi eskertildi.
xewerde, abbas bilen sisining qachan körishidighanliqigha munasiwetlik uchur bérilmidi.
مۇناسىۋەتلىك خەۋەرلەر
kolumbiyede tik uchar chüshüp kétip 9 esker qaza qildi
kolumbiyede tik uchar chüshüp kétip, bir généralni qoshqanda, jemiy tuqquz esker qaza qildi.