زېلېنىسكىي: يېقىنقى بىر يىلدا قورال - ياراغ ئىشلەپچىقىرىشىمىز ئۈچ ھەسسە ئاشتى

تۈركىيە ئاۋازى رادىيوسى خەۋىرى: ئۇكرائىنا پىرېزىدېنتى زېلېنسكىي ئۆزىنىڭ ئىجتىمائىي تاراتقۇدىكى ئادرېسىدا بايانات ئېلان قىلىپ: «بىز كۈچلۈك بولۇشىمىز كېرەك. يېقىنقى بىر يىلدا قورال-ياراغ ئىشلەپچىقىرىش مىقدارىنى ئۈچ ھەسسە ئاشۇردۇق. رۇسىيە چوقۇم ھەر قېتىملىق ھۇجۇملىرىغا جاۋاب قايتۇرۇشنىڭ كېچىكتۈرۈلمەيدىغانلىقىنى چۈشىنىپ يېتىشى كېرەك. بىز غەلىبىگە موھتاج. ئۇكرائىنا تېخىمۇ كۈچلۈك بولۇشى كېرەك» دېدى.

ئۇكرائىنانىڭ مۇداپىئە ساھەسىدە نۆۋەتتە 300 مىڭ كىشىنىڭ خىزمەت قىلىۋاتقانلىقىنى بىلدۈرگەن زېلېنسكىي، ھەر بەش مۇداپىئە شىركىتىنىڭ تۆتىنىڭ شەخسىي شىركەت ئىكەنلىكىنى سۆزلىرىگە ئىلاۋە قىلدى.

ئۇ دۇنيادىكى ئەڭ چوڭ چەت ئەل قورال-ياراغ ئىشلەپچىقارغۇچىلىرى بىلەن ئورتاق قورال ئىشلەپچىقىرىشنىڭ مۇمكىنلىكىنى قەيت قىلدى.