جەنۇبىي كورېيە شىمالىي كورېيەنى ئاگاھلاندۇردى
جەنۇبىي كورېيە دۆلەت مۇداپىئە مىنىستىرى شىن ۋون سىك، شىمالىي كورېيە «بىپەرۋالارچە ھەرىكەتلەرنى قىلسا، دۆلەتنى دوزاخقا باشلاپ كېرىدىغانلىقى»نى ئېيتتى.
2076213
تۈركىيە ئاۋازى رادىيوسى خەۋىرى: جەنۇبىي كورېيە رەسمىي خەۋەر ئاگېنتلىقى — يونخاپنىڭ خەۋىرىگە قارىغاندا، مىنىستىر شىن ۋون سىك يۇقىرى دەرىجىلىك قوماندانلار قاتناشقان بىر يىغىندىكى سۆزىدە، شىمالىي كورېيەنىڭ «تىنچلىق» ياكى «ھالاكەت»تىن ئىبارەت ئىككى خىل تاللىشى بارلىقىنى تىلغا ئېلىپ: «ئەگەر شىمالىي كورېيە تىنچلىققا زىيان يەتكۈزىدىغان بىپەرۋالارچە ھەرىكەتلەرنى قىلسا، ئۇلارنى پەقەت دوزاخلا كۈتۈۋاتقان بولىدۇ» دېگەن.
شىمالىي كورېيە 21-نويابىر جاسۇسلۇق سۈنئىي ھەمراھى ئورۇنلاشتۇرۇلغان بىر راكېتاسىنى جەنۇبىي كورېيەگە قارىتىپ قويۇپ بەرگەنىدى.
ئەتىسى جەنۇبىي كورېيە 2018-يىلى شىمالىي كورېيە بىلەن ئىمزالىغان رايوندىكى ھەربىي جىددىيچىلىكنى پەسەيتىشنى مەزمۇن قىلغان كېلىشىمنىڭ بەزى ماددىلىرىنى ۋاقتىنچە توڭلىتىپ قويغانلىقىنى ئېلان قىلغانىدى.
شىمالىي كورېيە 23-نويابىر مەزكۇر كېلىشىمنى ئەمەلدىن قالدۇرغانلىقىنى ئۇقتۇرغانىدى.
مۇناسىۋەتلىك خەۋەرلەر
شولز نېتانياھۇ بىلەن تېلېفونلاشتى
گېرمانىيە باش مىنىستىرى ئولاف شولز ئىسرائىلىيە باش مىنىستىرى بېنيامىن نېتانياھۇ بىلەن تېلېفونلاشتى.