israiliye qisimliri gherbiy qirghaqta 26 yashliq bir pelestinlikni étip öltürdi
israiliye qisimliri ishghaliyet astidiki gherbiy qirghaqqa tewe elxelil shehiride 26 yashliq bir pelestinlikni étip öltürdi.
türkiye awazi radyosi xewiri: pelestinning resmiy xewer agéntliqi <WAFA> ning xewirige asaslanghanda, israiliye qisimliri elxelil shehirining dora rayonida 26 yashliq sari yüsüp abdulqadir emrning öyige bésip kirgen.
israiliye eskerliri öyige bésip kirish jeryanida sari yüsüp abdulqadir emrni étip öltürgen.
dadisi yüsüp emr israiliye eskerlirining oghlini öyning ichide atqanliqini we éghir yarilinip qan yétyishmeywatqan oghligha héchkimning arilishishigha yol qoymighanliqini bildürdi.
dadisi yüsüp emr inisi suheyb bilen sari emrning yaridar halette tutup kétilgenlikini tekitlep, israiliye eskerlirining bésip kirish jeryanida öyni weyran qilghanliqini we qaytidighan chéghidimu ikki aptomobilinii musadire qilghanliqini éytti.
dada amr israiliye qisimlirining yene öydiki 400 ming shékél (texminen 108 ming dollar) neq pul we banka cheklirinimu élip ketkenlikini bildürdi.
