israiliye gherbiy qirghaqtiki basturush heriketlirini dawamlashturmaqta
israiliye armiyesi ishghaliyet astidiki gherbiy qirghaq (iyordan deryasining gherbiy qirghiqi)ta yene ikki pelestinlikning jénigha zamin boldi.
türkiye awazi radiyosi xewiri: pelestin qizil hilal ay jemiyiti bayanat élan qilip, israiliye armiyesining gherbiy qirghaqta kéche boyiche basturup kirish heriketlirini élip bérip, kem dégende ikki ademning jénigha zamin bolghanliqini, 12 ademni yarilandurghanliqini uqturdi.
bayanatta, 7- öktebirdin boyan künséri ewj éliwatqan basturup kirish heriketliri jeryanida, kem dégende 47 pelestinlik qolgha élinghan.
israiliye armiyesining bügün seher jénnin musapirlar lagéri etrapida élip barghan basturup kirish herikiti jeryanida, pelestinlikler bilen israiliyelikler toqunush yüz bergen.
israiliye eskerliri 7 – öktebirdin buyan ishghal astidiki gherbiy qirghaqta her xil heriketlerni élip bérip, kem dégende 164 pelestinlikning jénigha bolghan.
hujumlar jeryanida, 2200 din artuq pelestinlik qolgha élinghan.
