gutérrés ottura sherqte tereplerni derhal urush toxtitishqa chaqirdi
birleshken döletler teshkilati bash katipi antoniyo gutérrés ottura sherq rayonida insanlar tartiwatqan qorqunchluq azab – oqubetni yenggillitish üchün, tereplerni derhal urush toxtitishqa chaqirdi.
türkiye awazi radiyosi xewiri: xitayning paytexti béyjingda ziyarette boluwatqan birleshken döletler teshkilati bash katipi antoniyo gutérrés ammiwi ortaqlishish tor bétidiki sehipiside élan qilghan bayanatida, ottura sherqte pütkül rayonning teqdiri we insanlarning hayatining xeter astida ikenliki toghrisida agahlandurup, mundaq dédi:
ottura sherq rayonida insanlar tartiwatqan qorqunchluq azab – oqubetni yienggillitish üchün, tereplerni derhal urush toxtitishqa chaqirimen.»
hamasning herbiy qaniti bolghan qassam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi. ghezzedin israiliyege minglighan rakétamiyot étilghan, qoralliq guruppilarmu rayondiki olturaq rayonlargha kirgenidi.
israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.
igilinishiche, barghanséri keskinlishiwatqan toqunushlarda her ikki tereptin minglarche kishi jénidin ayrilghan.
