malayshiya hökümiti pelestinge 1 milyon ringgit yardem qilidighan boldi

türkiye awazi radyosi xewiri: malayshiya hökümiti israiliye bilen hamas otturisida yüz bergen toqunush we zorawanliq weqeliridin kéyin, tashqi ishlar ministirliqi teripidin pelestinlikler üchün qurulghan insanperwerlik yardem fondigha 1 milyon malayshiya ringgiti (texminen 211 ming dollar) yötkeshni qarar qildi.

malayshiya muawin bash ministiri ehmed zahid hamidi mezkur yardem sommisining oxshimighan sahelerde jiddiy yardemge mohtaj pelestin xelqi üchün malayshiyaning insanperwerlik yardimi dairiside tashlighan «téz» qedimi ikenlikini bildürdi.

ehmed zahid, «hökümet pelestinliklerge yardem bérish musapisini imkanqeder tézlitidu» dédi.

ehmed zahid malayshiya parlaménti (diwan rakyat) ezalirini pelestin fondigha hesse qoshushqa chaqirdi we malayshiyaning barliq rayonluq we xelqaraliq organlirini shundaqla ammiwiy teshkilatlirini «tézdin» alahide yighin chaqirishqa yaki yighilishlarni ötküzüshke teklip qilidighanliqini tekitlidi.

tünügün 17 parlamént ezasining qatnishishi bilen malayshiya parlaménti (diwan rakyat) da pelestinliklerning zémini we hoquqini zionist hakümranliqidin qayturuwélish kürishini qollash meqsitide her xil teklip we pikirler otturigha qoyulidighan yighin chaqirilghan idi.

hamasning herbiy qaniti qassam birigadisi 7-öktebir shenbe küni israiliyege «aqsa tufani» namliq keng kölemlik hujum bashlighanliqini élan qilghan we ghezzedin israiliyege minglighan rakétamiyot étish bilen birge, qoralliq guruppilarmu iésrailiyening olturaq rayonlirigha bésip kirgen idi.

israiliye qisimlirimu urush ayropilani bilen ghezze rayonigha qarita «tömür qilich» herikiti bashlighanliqini  élan qilghan idi.

künséri keskinlishiwatqan tuqunushta her ikki tereptin yüzligen kishi qaza qildi.