gherbiy afriqa döletliri iqtisadiy birleshmisi nigérgha yéngi teklip sundi
gherbiy afriqa döletliri iqtisadiy birleshmisi (ECOWAS) 26-iyul (2023) nigérda hakimiyetni tartiwalghan herbiy hökümet üchün toqquz ayliq ötkünchi hökümet basquchini teklip qildi.
türkiye awazi radiyosi xewiri: nigériye pirézidéntliq mehkimisining bayanatigha qarighanda, nigériye prézidénti shundaqla gherbiy afriqa döletliri iqtisadiy birleshmisining reisi bola ehmed tinubu nigérdiki herbiy hakimiyetke toqquz ayliq ötkünchi hökümet mudditini teklip qilghan.
tinubu nigériyening 1999-yili herbiy hökümet teripidin bashlanghan toqquz ayliq ötkünchi mezgildin kéyin xelq hökümitige aylanghanliqini xatirilitip: «eger nigér herbiy dairiliri semimiy bolghan ehwalda, men buning qayta tekrarlanmasliqigha héchqandaq seweb yoq dep qaraymen» dédi.
u nigér armiyesining heriketlirini qobul qilghili bolmaydighanliqini tekitlep, armiye qanche téz aktip belgilime chiqarsa , gherbiy afriqa döletliri iqtisadiy birleshmisining bu döletke yürgüzülgen jazani bikar qilish üchün shunche téz heriket qilidighanliqini körsetti.
nigérdiki wetenni qoghdash kéngishi (CNSP) dep atilidighan ötkünchi hökümetning rehbiri abduraxmané tchyani 19-awghust (2023) xelqqe xitab qilip, xelq hökümitige ötüshning eng téz bolghanda üch yilda tamamlinidighanliqini bildürgen idi.
