shiwétsiyede quranning köydürülüshini tosmaqchi bolghan pakistanliqqa, saqchilar qopalliq bilen arilashti
shiwétsiyening paytexti stokholmda quran kerimning köydürülüshini tosup qélish üchün yash tökken tégi pakistanliq malik shahza, saqchilarning arilishishigha uchridi.
türkiye awazi radyosi xewiri: esli pakistanliq malik shahza tégi iraqliq salman momikaning pakistan elchixanisi aldida quran kerimni köydürüshige naraziliq bildürdi.
malik shahza bixeterlik siziqining arqisida turup momikagha warqirighan halda: «ötünüp qalay, quranni köydürmigin, qiliwatqining yaxshi ish emes, men özümni yaxshi hés qilalmaywatimen, kéchiliri uxliyalmaywatimen. men yürek opératsiyesi qildurghan bir adem. néme üchün quran kerimni köydürüshni dawamlashturisen? sen néme üchün méning öyüm hésablinidighan pakistan elchixanisi aldida quran kerimni köydürisen? men késel, (bu ishliring tüpeyli) uxliyalmaydighan bolup qaldim, ötünüp qalay, bu ishni toxtat. saqchilar néme üchün buninggha ruxset qilidu?» dep yash tökti.
saqchilar malik shahzani tutup, mejburiy süküt qildürüp, rayondin yiraqlashturdi we qisqa waqit nazaretke aldi.
momika bolsa, paaliyettin kéyin saqchi aptomobili bilen neq meydandin ayrildi. momikagha 10 bironiwékni öz ichige alghan jemiy 20 saqchi aptomobili we texminen 100 saqchi hemrah boldi.
